洗澡 - 約瑟美容 - 瑟樂園論壇約瑟|爹利|Yorkshire Terrier||Yorkie

UID 2
精華 9
積分 10002
帖子 16777215
閱讀權限 255
註冊 2006-7-23
狀態離線

發表於 2007-3-7 03:33 資料主頁文集短消息

洗澡

沖涼前的準備先梳一次毛，張所有結解開，如果唔係濕左就更難解而且容易傷及皮膚
然後就用棉花塞住耳仔，防止Ｄ水入左耳仔，引致發炎(整個過程都唔好拎走)
當然要預備好風筒、毛巾等，預講瑟瑟一上水就即刻可以抹身唔會凍親嘛!!  沖涼 1.用溫水慢慢淋濕瑟瑟，因為好多狗都唔鐘意特然俾人整濕，仲有唔好一淋就頭，最好由尾開始，如果狗狗怕花灑既，改用毛巾或者其他容器淋水落佢度。
2.濕曬之後，可以倒Ｄ狗狗專用既shampoo落去背脊，慢慢按摩，可以由尾部洗上頭，其實好似平時洗頭咁，捽乾淨就沖水，沖乾淨曬，就可以隨個人喜好加護毛素或者唔加，如果加既就重覆頭先既方法。  吹毛用毛巾包起濕曬既狗狗，如果長毛就慢慢印乾，(此時可以拎走耳仔既棉花啦)
然後就再用暖風吹乾，唔好直接吹狗狗既頭或鼻，佢地好多都唔鐘意。
盡量用暖風，風力唔好太大，可以用梳一路吹一路梳，
直至毛毛全部乾曬  tips:
- 水溫唔好太高，因為狗狗唔似人....如果太熱佢地唔識講，盡量自己試過水溫先啦!!當然可以隨季節變化而調節啦!! - shampoo同護毛素可以稀釋左先用咁樣入左眼都冇咁傷(其實小心Ｄ都可以) - 一路沖涼可以一路同佢講野，讚下佢等佢冇咁驚同緊張，咁就唔會怕左沖涼啦。- 沖涼前可以做左Ｄ美容先，如前腳底毛、前耳仔毛、清肛門腺等等。

注意事項
*剛注射過疫苗既幼犬，產前或產後的母狗、除蟲中的狗狗，最好暫時不沖涼
*約瑟為長毛狗，每日最好梳毛一次，沖涼最少一個月要有一次!!
*沖涼次數唔好過密，因為會影響毛同皮膚，當然次數要視乎每隻狗既需要，如果狗狗成日外出既話當然會密Ｄ啦，如果唔係，平時都保持得好乾淨既咁咪可以沖小Ｄ囉!!